بارہویں جماعت · مطالعہ قرآنِ حکیم · خیبر پختونخوا ٹیکسٹ بک بورڈ

باب 8: سبق 8: سورہ المائدہ (آیات 78 تا 120) — مشقی سوالات

تیارمختصر جوابات، تفصیلی جوابات، سرگرمیاں اور شان نزول · 25 سوالات

حل کی زبان:اردو

1 / 25

فہرستِ سوالات 1 / 25

مختصر جوابات 7

تفصیلی جوابات 6

سرگرمیاں 4

شان نزول 8

متن کا حجم

واٹس ایپ پر بھیجیں

ایک ڈاؤن لوڈ میں ایک باب۔ پڑھنے پر کوئی حد نہیں، صرف تھوک ڈاؤن لوڈ پر ہے۔

مختصر جوابات

1 مختصر جوابات

لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ

آیت 78: بنی اسرائیل پر لعنت کس نے اور کیوں کی؟

ترجمہ

بنی اسرائیل میں سے جن لوگوں نے کفر کیا ان پر داؤد اور عیسیٰ ابن مریم کی زبان سے لعنت کی گئی، یہ اس وجہ سے تھا کہ انہوں نے نافرمانی کی اور وہ حد سے تجاوز کرتے تھے۔

آیت کے مطابق جواب

جواب آیت کے مطابق بنی اسرائیل کے کافروں پر لعنت سیدنا داؤد علیہ السلام اور سیدنا عیسیٰ علیہ السلام نے کی تھی۔ لعنت کرنے کی وجہ یہ تھی کہ وہ اللہ کی نافرمانی کرتے تھے اور مسلسل حدودِ شرعیہ سے تجاوز (سرکشی) کرتے تھے۔

2 مختصر جوابات

كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ

آیت 79: بنی اسرائیل کی کون سی برائی بیان ہوئی ہے؟

ترجمہ

وہ ایک دوسرے کو اس برے کام سے منع نہیں کرتے تھے جو وہ کرتے تھے، یقیناً بہت ہی برا تھا جو کچھ وہ کر رہے تھے۔

آیت کے مطابق جواب

جواب اس آیت میں بنی اسرائیل کی یہ سنگین سماجی اور اخلاقی برائی بیان ہوئی ہے کہ ان کے معاشرے میں جب کوئی برائی یا گناہ کا کام ہوتا تھا، تو وہ ایک دوسرے کو اس برے کام سے روکتے (منع کرتے) نہیں تھے بلکہ خاموش تماشائی بنے رہتے تھے۔

3 مختصر جوابات

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا...

آیت 82: مسلمانوں کا سب سے سخت دشمن کون ہے؟

ترجمہ

(اے نبی!) آپ مسلمانوں کی عداوت میں سب سے زیادہ سخت یہودیوں کو اور ان لوگوں کو پائیں گے جنہوں نے شرک کیا...

آیت کے مطابق جواب

جواب آیت کے مطابق ایمان والوں (مسلمانوں) کا سب سے سخت اور شدید ترین دشمن یہودیوں اور مشرکین (شرک کرنے والوں) کو قرار دیا گیا ہے۔

4 مختصر جوابات

إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللَّهِ وَعَنِ الصَّلَاةِ ۖ فَهَلْ أَنتُم مُّنتَهُونَ ۔

آیت 91: شیطان جوئے اور شراب کے ذریعے کیا مقاصد حاصل کرنا چاہتا ہے؟

ترجمہ

جواب۔ ترجمہ: شیطان تو یہی چاہتا ہے کہ شراب اور جوئے کے ذریعے تمہارے درمیان دشمنی اور بغض ڈال دے اور تمہیں اللہ کی یاد سے اور نماز سے روک دے، تو کیا تم باز آنے والے ہو؟

آیت کے مطابق شیطان کے شراب اور جوئے کے ذریعے دو بڑے مقاصد ہیں:

آیت کے مطابق جواب

1 مسلمانوں کے آپس میں دشمنی، کینہ اور بغض پیدا کرنا۔

2 انسانوں کو اللہ کے ذکر اور نماز سے روک دینا (غافل کر دینا)۔

5 مختصر جوابات

قَدْ سَاَلَهَا قَوْمٌ مِّنْ قَبْلِكُمْ ثُمَّ اَصْبَحُوْا بِهَا كٰفِرِیْنَ ﴿۱۰۲﴾

آیت میں بیان کردہ سابقہ اقوام کی برائی کا ذکر ہے؟

ترجمہ

”تم سے پہلے ایک قوم نے اسی قسم کے سوالات کیے تھے، پھر وہ ان باتوں کے منکر ہو گئے“

اس آیت مبارکہ میں مسلمانوں کو پچھلی امتوں کے حالات سے سبق سکھاتے ہوئے درج ذیل برائیاں اور ان کے عبرتناک انجام کو واضح کیا گیا ہے:

آیت میں بیان کردہ سابقہ اقوام کی برائی کی تفصیل

1 بے ضرورت اور فضول سوالات کرنا — پچھلی امتوں کی عادت تھی کہ وہ دین کو سمجھنے اور عمل کرنے کے بجائے اپنے انبیاء علیہم السلام سے ایسے سوالات پوچھتے تھے جن کی کوئی ضرورت نہیں ہوتی تھی۔ ان کا مقصد محض حجت بازی اور سرکشی ہوتا تھا۔

2 احکام کا بوجھ بڑھوانا — ان کے کثرتِ سوال کی وجہ سے اللہ تعالیٰ کی طرف سے احکام سخت کر دیے جاتے تھے، جیسے بنی اسرائیل نے گائے ذبح کرنے کے معاملے میں اتنے سوالات کیے کہ شرائط سخت ہوتی گئیں۔

3 احکام الٰہی سے مکر جانا (کفر کرنا) — جب ان کے سوالات کے جواب میں واضح احکام الٰہی نازل کر دیے جاتے، تو وہ اپنی سستی اور ضد کی وجہ سے ان پر عمل کرنے سے صاف مکر جاتے اور یوں کفر کے مرتکب ہو جاتے تھے۔

6 مختصر جوابات

آیت 112 ۔ إِذْ قَالَ الْحَوَارِيُّونَ يَا عِيسَى ابْنَ مَرْيَمَ هَلْ يَسْتَطِيعُ رَبُّكَ أَن يُنَزِّلَ عَلَيْنَا مَآئِدَةً مِّنَ السَّمَاءِ...

آیت 112 و 113: حواریوں نے مائدہ (دسترخوان) نازل کرنے کی فرمائش کیوں کی؟

ترجمہ

وہ بولے: ”ہم (صرف) یہ چاہتے ہیں کہ اس میں سے کھائیں، اور ہمارے دل مطمئن ہو جائیں، اور ہم جان لیں کہ آپ نے ہم سے سچ کہا ہے اور ہم اس پر گواہ بن جائیں“۔

آیت 113 کے مطابق حواریوں نے آسمان سے طعام کا دسترخوان (مائدہ) نازل کرنے کی فرمائش ان مقاصد کے لیے کی تھی:

آیت کے مطابق جواب

1 تاکہ وہ اس غیبی کھانے میں سے کھائیں۔

2 ان کے دلوں کو کامل اطمینان (تسلی) حاصل ہو جائے۔

3 وہ اپنی آنکھوں سے یہ معجزہ دیکھ کر یقین کر لیں کہ سیدنا عیسیٰ علیہ السلام نے ان سے جو کچھ کہا ہے وہ بالکل سچ ہے۔

4 وہ خود اس عظیم نشانی اور معجزے کے گواہ بن جائیں۔

7 مختصر جوابات

وَإِذْ قَالَ اللَّهُ يَا عِيسَى ابْنَ مَرْيَمَ أَأَنتَ قُلْتَ لِلنَّاسِ اتَّخِذُونِي وَأُمِّيَ إِلَٰهَيْنِ مِن دُونِ اللَّهِ ۖ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ ۚ إِن كُنتُ قُلْتُهُ فَقَدْ عَلِمْتَهُ ۚ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ ۚ إِنَّكَ أَنتَ عَلَّامُ الْغُيُوبِ

آیت 116 کے مطابق قیامت کے دن اللہ تعالیٰ کا سوال اور سیدنا عیسیٰ علیہ السلام کا کیا جواب ہو گا؟

ترجمہ

جواب۔ ترجمہ: اور جب اللہ فرمائے گا: ”اے عیسیٰ ابن مریم! کیا تم نے لوگوں سے کہا تھا کہ اللہ کے سوا مجھے اور میری ماں کو دو معبود بنا لو؟“ وہ عرض کریں گے: ”تو پاک ہے! میرے لیے یہ ہرگز جائز نہیں کہ میں ایسی بات کہوں جس کا مجھے کوئی حق نہیں۔ اگر میں نے یہ کہا ہوتا تو تجھے ضرور معلوم ہوتا۔ تو جانتا ہے جو کچھ میرے دل میں ہے اور میں نہیں جانتا جو تیرے علم میں ہے۔ بے شک تو ہی تمام غیبوں کا جاننے والا ہے“۔

آیت کے مطابق جواب

1 اللہ تعالیٰ کا سوال — قیامت کے دن اللہ تعالیٰ سیدنا عیسیٰ علیہ السلام سے پوچھے گا کہ کیا تم نے لوگوں سے کہا تھا کہ اللہ کو چھوڑ کر مجھے اور میری ماں (مریم علیہا السلام) کو خدا (معبود) بنا لو؟

2 سیدنا عیسیٰ علیہ السلام کا جواب — وہ انتہائی ادب کے ساتھ عرض کریں گے کہ اے اللہ! تو ہر عیب اور شریک سے پاک ہے۔ میری یہ مجال کہاں کہ میں ایسی بات کہتا جس کا مجھے حق ہی نہیں تھا۔ اگر میں نے ایسا کہا ہوتا تو تیرے علم میں ہوتا، کیونکہ تو میرے دل کی بات بھی جانتا ہے جبکہ میں تیرے علم کی باتوں کو نہیں جانتا، بیشک تو ہی غیب کا جاننے والا ہے۔

تفصیلی جوابات

8 تفصیلی جوابات

﴿يٰۤاَيُّهَا الَّذِيْنَ اٰمَنُوْا لَا تُحَرِّمُوْا طَيِّبٰتِ مَاۤ اَحَلَّ اللّٰهُ لَكُمْ وَ لَا تَعْتَدُوْاؕ-اِنَّ اللّٰهَ لَا يُحِبُّ الْمُعْتَدِيْن﴾

آیت 87: ترجمہ و مفہوم بیان کریں۔

ترجمہ

”اے ایمان والو! ان پاکیزہ چیزوں کو حرام نہ قرار دو جنہیں اللہ نے تمہارے لیے حلال فرمایا ہے اور حد سے نہ بڑھو۔ بیشک اللہ حد سے بڑھنے والوں کو ناپسند فرماتا ہے۔“

مفہوم

جواب اس آیت کا مفہوم یہ ہے کہ دین اسلام میں اپنی مرضی سے کسی حلال اور پاکیزہ چیز (جیسے اچھا کھانا، لباس، یا نکاح وغیرہ) کو اپنے اوپر حرام کر لینا یا دنیا داری کو کلیتاً چھوڑ کر راہب بن جانا سخت ممنوع ہے۔ انسان کو اللہ کی حدود کے اندر رہ کر زندگی گزارنی چاہیے اور افراط و تفریط سے بچنا چاہیے۔

9 تفصیلی جوابات

یا یھا الذین امنوا ۔۔۔۔ تفلحون

آیت 90: ۔ ترجمہ کریں اور بتائیں اہل ایمان کو کن چیزوں سے بچنے کا حکم ہے؟

ترجمہ

”اے ایمان والو! شراب اور جوا اور بت اور قسمت معلوم کرنے کے تیر (سب) ناپاک شیطانی کام ہیں، سو تم ان سے بچتے رہو تاکہ تم فلاح پا جاؤ۔“

اس آیت میں اہل ایمان کو چار بڑے گناہوں سے بچنے کا حکم دیا گیا ہے:

ممنوعہ چیزیں

1 شراب — (ہر قسم کی نشہ آور اشیاء)

2 جوا — (ہر وہ کھیل جس میں ہار جیت پر مال کا داؤ لگایا جائے)

3 بت / آستانے — (غیر اللہ کی عبادت یا قربانی کے لیے مخصوص جگہیں)

4 پانسے / فال کے تیر — (قسمت معلوم کرنے کے مشرکانہ طریقے)

10 تفصیلی جوابات

قل ھل یستوی ۔۔۔۔۔ تفلحون

آیت 100: کا ترجمہ و مفہوم بیان کریں

ترجمہ

”(اے حبیب!) تم فرما دو کہ گندا (خبیث) اور پاکیزہ (طیب) برابر نہیں ہو سکتے، اگرچہ گندے کی کثرت تمہیں تعجب میں ڈالے۔ پس اے عقل والو! اللہ سے ڈرتے رہو تاکہ تم فلاح پا جاؤ۔“

مفہوم

جواب اس آیت کا بنیادی مفہوم یہ ہے کہ معیار کا تعلق مقدار یا کثرت سے نہیں ہوتا۔ حرام، خبیث اور ناپاک چیزیں یا انسان چاہے دنیا میں کتنے ہی زیادہ کیوں نہ ہوں، وہ اللہ کے ہاں کبھی بھی حلال اور پاکیزہ کے برابر نہیں ہو سکتے۔ مسلمانوں کو کثرتِ فتنہ سے مرعوب ہوئے بغیر ہمیشہ حلال اور نیکی کا راستہ چننا چاہیے۔

11 تفصیلی جوابات

لا یؤاخذکم اللہ ۔۔۔۔ ثلثۃ ایام

آیت 89: ۔ آیت میں قسم کے ا حوالے سے کیا حکامات بیان ہوئے؟

ترجمہ

جواب۔ ترجمہ کا خلاصہ: اللہ تمہاری لغو (بغیر ارادے کے منہ سے نکلنے والی) قسموں پر گرفت نہیں فرماتا، لیکن جو قسمیں تم پختہ ارادے سے کھاتے ہو، ان پر تمہارا مواخذہ فرمائے گا۔

اگر کوئی شخص پختہ قسم توڑ دے، تو اس آیت کے مطابق اس پر درج ذیل میں سے کوئی ایک کفارہ ادا کرنا لازم ہے:

قسم کے حوالے سے احکامات (کفارہ)

1 دس مسکینوں کو کھانا کھلانا — (اوسط درجے کا کھانا جو اپنے گھر والوں کو کھلاتے ہو)۔

2 یا دس مسکینوں کو لباس (کپڑے) دینا۔

3 یا ایک غلام آزاد کرنا۔

4 تین دن کے روزے — اگر کوئی شخص مالی طور پر اوپر بیان کردہ تینوں چیزوں کی استطاعت نہ رکھتا ہو، تو وہ مسلسل تین دن کے روزے رکھے گا۔

5 ساتھ ہی اللہ نے حکم دیا کہ: ”اپنی قسموں کی حفاظت کیا کرو“ (یعنی بلا ضرورت قسمیں نہ کھاؤ اور کھا لو تو احترام کرو)۔

12 تفصیلی جوابات

﴿مَا قُلْتُ لَهُمْ اِلَّا مَاۤ اَمَرْتَنِيْ بِهٖۤ اَنِ اعْبُدُوا اللّٰهَ رَبِّيْ وَ رَبَّكُمْۚ-وَ كُنْتُ عَلَيْهِمْ شَهِيْدًا مَّا دُمْتُ فِيْهِمْۚ-فَلَمَّا تَوَفَّيْتَنِيْ كُنْتَ اَنْتَ الرَّقِيْبَ عَلَيْهِمْؕ-وَ اَنْتَ عَلٰى كُلِّ شَيْءٍ شَهِيْدٌ﴾

آیت 117 کا ترجمہ و مفہوم کریں

ترجمہ

جواب۔ ترجمہ: ”میں نے ان سے کچھ نہیں کہا مگر وہی جس کا تو نے مجھے حکم دیا تھا کہ تم اللہ کی بندگی (عبادت) کرو جو میرا بھی رب ہے اور تمہارا بھی رب ہے۔ اور میں ان پر نگران (گواہ) رہا جب تک میں ان میں موجود رہا، پھر جب تو نے مجھے اٹھا لیا تو تو ہی ان پر نگران تھا اور تو ہر چیز پر گواہ ہے۔“

مفہوم

جواب قیامت کے دن جب اللہ تعالیٰ حضرت عیسیٰ علیہ السلام سے عیسائیوں کے شرک (عیسیٰ علیہ السلام اور ان کی والدہ کو خدا بنانے) کے بارے میں سوال فرمائے گا، تو حضرت عیسیٰ علیہ السلام نہایت عاجزی سے عرض کریں گے کہ انہوں نے ہمیشہ صرف توحید کی دعوت دی تھی۔ ان کے دنیا سے اٹھائے جانے کے بعد ان کی امت نے جو بھی بدعات اور شرک ایجاد کیا، اس کے ذمہ دار وہ خود ہیں۔

13 تفصیلی جوابات

ان تعذبھم فانھم عبادک ۔ وان تغفر لھم فانک انت العزیز الحکیم ۔

آیت 118 کے مطابق حضرت عیسیٰ علیہ السلام اللہ کی بارگاہ میں اپنی قوم کے لیے کیا عرض کریں گے؟

ترجمہ

”اگر تو انہیں عذاب دے تو وہ تیرے (ہی) بندے ہیں اور اگر تو انہیں بخش دے تو بیشک تو ہی بڑا غالب، حکمت والا ہے۔“

حضرت عیسیٰ علیہ السلام کی عرض کا مقصد

جواب حضرت عیسیٰ علیہ السلام اپنی قوم کی سفارش یا شفاعت کے انداز میں اللہ کی بارگاہ میں یہ آخری کلمات عرض کریں گے۔ ان کے کہنے کا مطلب یہ ہوگا کہ یا اللہ! تو مالکِ کل ہے، اگر تو ان کے کفر و شرک پر انہیں سزا دے تو یہ تیرا انصاف ہوگا کیونکہ یہ تیرے مملوک اور بندے ہیں۔ لیکن اگر تو اپنی شانِ غفور و رحیم کے صدقے (ان کے ایمان لانے کی صورت میں یا اپنی مشیت سے) انہیں معاف فرما دے تو کوئی تجھے روک نہیں سکتا، کیونکہ تو ہی سب پر غالب اور بہترین حکمت والا ہے۔

سرگرمیاں

14 سرگرمیاں

حضرت عیسیٰ علیہ السلام کو عطا کردہ معجزات (سورہ المائدہ)

سورہ المائدہ (آیت 110) کے مطابق اللہ تعالیٰ نے عیسیٰ علیہ السلام کو درج ذیل عظیم الشان معجزات عطا فرمائے:

1 پہوارے میں کلام — بچپن میں گود (پہوارے) کے اندر اور بڑی عمر میں یکساں فصاحت سے لوگوں سے کلام کرنا۔

2 پرندے بنانا — مٹی سے پرندے کی شکل بنانا اور اس میں پھونک مار کر اللہ کے حکم سے زندہ پرندہ اڑا دینا۔

3 مادر زاد اندھے اور کوڑھی کو شفا دینا — پیدائشی نابینا اور برص (کوڑھ) کے مریضوں کو اللہ کے اذن سے بالکل تندرست کر دینا۔

4 مردوں کو زندہ کرنا — قبروں سے مردوں کو اللہ کے حکم سے دوبارہ زندہ کر کے کھڑا کر دینا۔

5 غیب کی خبریں — لوگوں کو یہ بتانا کہ وہ گھر میں کیا کھا کر آئے ہیں اور کیا ذخیرہ کر کے رکھا ہے۔

6 مائدہ (آسمانی دسترخوان) — حواریوں کی فرمائش پر آسمان سے کھانے کا خوان نازل کروانا (جس کی وجہ سے اس سورت کا نام المائدہ ہے)۔

15 سرگرمیاں

قیامت کے دن اللہ تعالیٰ اور حضرت عیسیٰؑ کا مکالمہ (آیات 116 تا 120)

قیامت کے دن اللہ تعالیٰ نصاریٰ (عیسائیوں) کی تردید اور حجت قائم کرنے کے لیے تمام مخلوق کے سامنے حضرت عیسیٰؑ سے سوال و جواب فرمائے گا

1 اللہ تعالیٰ کا سوال — ”اے عیسیٰ ابن مریم! کیا تم نے لوگوں سے کہا تھا کہ اللہ کے سوا مجھے اور میری ماں کو خدا بنا لو؟“

2 حضرت عیسیٰؑ کی عاجزی و تسبیح — عیسیٰؑ کہیں گے کہ ”تو پاک ہے! میرے لیے یہ کیسے ممکن تھا کہ میں وہ بات کہتا جس کا مجھے کوئی حق نہیں تھا“۔

3 علمِ الٰہی کا اعتراف — ”اگر میں نے ایسا کہا ہوتا تو تجھے ضرور معلوم ہوتا۔ تو میرے دل کی بات جانتا ہے اور میں تیرے نفس کی بات نہیں جانتا، بے شک تو ہی غیب کا جاننے والا ہے“۔

4 اصل تبلیغ کا بیان — ”میں نے انہیں صرف وہی حکم دیا جس کا تو نے مجھے حکم دیا تھا، یعنی یہ کہ ’اللہ کی عبادت کرو جو میرا بھی رب ہے اور تمہارا بھی رب ہے‘“۔

5 حالتِ گواہی — ”جب تک میں ان میں رہا، ان کا نگران تھا، پھر جب تو نے مجھے اٹھا لیا تو تو ہی ان کا نگران تھا“۔

6 معاملہ اللہ کے سپرد — ”اگر تو انہیں سزا دے تو وہ تیرے بندے ہیں، اور اگر تو انہیں معاف کر دے تو تو ہی زبردست اور حکمت والا ہے“۔

7 حتمی نتیجہ — اللہ تعالیٰ فرمائے گا کہ آج کا دن وہ ہے جس میں سچوں کو ان کا سچ فائدہ دے گا اور ان کے لیے جنتیں ہیں۔

16 سرگرمیاں

بحیرہ، سائبہ، وصیلۃ اور حام کے متعلق کفار کے عقائد

زمانہ جاہلیت میں مشرکینِ مکہ نے اپنی طرف سے جانوروں کو بتوں کے نام پر وقف کرنے کی کچھ خود ساختہ رسمیں بنا رکھی تھیں، جن کا ذکر سورہ المائدہ کی آیت 103 میں ہے۔ ان کے عقائد درج ذیل تھے:

1 بحیرہ ( البَحِيرَة ) — وہ اونٹنی جو پانچ بچے جنتی اور آخری بچہ نر (مرد) ہوتا۔ مشرکین اس کے کان چیر کر اسے بتوں کے نام پر آزاد چھوڑ دیتے تھے۔ اس کا دودھ نکالنا، اس پر سواری کرنا یا اس کا گوشت کھانا حرام سمجھا جاتا تھا۔

2 سائبہ ( السَّائِبَة ) — وہ جانور جسے کوئی شخص کسی بڑی بیماری سے شفا پانے یا سفر سے خیریت سے واپسی کی منت مان کر بتوں کے نام پر کھلا چھوڑ دیتا۔ اسے کوئی ہانک یا روک نہیں سکتا تھا۔

3 وصیلہ ( الوَصِيلَة ) — وہ بکری جو پہلی مرتبہ مادہ (مادی) بچہ جنتی اور دوسری بار بھی مادہ۔ اگر نر اور مادہ اکٹھے پیدا ہوتے تو کہتے کہ بہن اپنے بھائی سے مل گئی، چنانچہ اس نر بچے کو بھی بتوں کے نام پر ذبح کرنے سے روک دیا جاتا اور اس کا گوشت صرف مرد کھا سکتے تھے، عورتوں پر حرام تھا۔

4 حام ( الحَامِي ) — وہ نر اونٹ (سانڈ) جس کی نسل سے دس بچے پیدا ہو چکے ہوتے۔ مشرکین کہتے کہ اس نے اپنی پیٹھ کو محفوظ کر لیا، لہٰذا اس پر بوجھ لادنا یا سواری کرنا حرام قرار دے دیا جاتا اور اسے چرنے کے لیے آزاد چھوڑ دیا جاتا۔

17 سرگرمیاں

سورہ المائدہ کی آیات 90، 91 کی روشنی میں شراب کی حرمت

ترجمہ

”اے ایمان والو! یہ شراب، جوا، بتوں کے تھان اور جوئے کے تیر، یہ سب گندے شیطانی کام ہیں، پس ان سے بچو تاکہ تم فلاح پا جاؤ“۔ (آیت 90)

اللہ تعالیٰ کا ارشاد ہے: آیت 91 میں اللہ تعالیٰ نے شراب کی حرمت کی بنیادی وجوہات اور اس کے نقصانات بیان کیے ہیں:

1. روحانی و دینی نقصانات اور 2. جسمانی و معاشرتی نقصانات

1 1. روحانی و دینی نقصانات — شیطانی عمل — قرآن نے شراب کو ”رجس“ (ناپاکی) اور شیطانی کام قرار دیا ہے جو انسان کو تقویٰ سے دور کرتا ہے۔

2 1. روحانی و دینی نقصانات — ذکرِ الٰہی سے غفلت — شراب انسان کے ہوش و حواس چھین لیتی ہے، جس سے انسان اللہ کی یاد اور نماز سے غافل ہو جاتا ہے۔

3 1. روحانی و دینی نقصانات — ایمان کی رخصتی — نشے کی حالت میں انسان کفر و شرک یا گستاخانہ کلمات بک سکتا ہے، جس سے اس کا ایمان خطرے میں پڑ جاتا ہے۔

4 2. جسمانی و معاشرتی نقصانات — باہمی دشمنی اور بغض — اللہ تعالیٰ فرماتا ہے کہ شیطان شراب کے ذریعے تمہارے درمیان دشمنی اور کینہ ڈالنا چاہتا ہے۔ نشے میں انسان آپے سے باہر ہو کر قتل و غارت اور لڑائی جھگڑے کرتا ہے۔

5 2. جسمانی و معاشرتی نقصانات — عقل و شعور کی تباہی — شراب سب سے پہلے انسان کی عقل پر پردہ ڈالتی ہے، جس سے اچھے اور برے کی تمیز ختم ہو جاتی ہے۔

6 2. جسمانی و معاشرتی نقصانات — صحت کی بربادی — طبی سے شراب جگر ، معدے کے السر، دل کے امراض اور اعصابی نظام کو مفلوج کرنے کا باعث بنتی ہے۔

شان نزول

18 شان نزول

يَا أَيُّهَا الَّذِينَ آمَنُوا لَا تُحِلُّوا شَعَائِرَ اللَّهِ...

آیت نمبر 2

جواب شانِ نزول: یہ آیت حطيم بن ہند (یا شریح بن ضبیعہ) نامی شخص کے بارے میں نازل ہوئی۔ وہ مدینہ آیا، جھوٹا ایمان ظاہر کیا، اور واپسی پر مدینہ کے مویشی ہانک کر لے گیا۔ اگلے سال مسلمانوں نے اسے یمامہ کے حاجیوں کے قافلے کے ساتھ دیکھا، جس پر قربانی کے جانور بھی تھے جنہیں شعائر اللہ مانا جاتا تھا۔ صحابہ کرام نے اس پر حملہ کر کے اس کا مال اور جانور چھیننے کا ارادہ کیا۔ اس پر اللہ تعالیٰ نے یہ آیت نازل فرمائی کہ جو لوگ حج یا عمرہ کے لیے احترام کے ساتھ جا رہے ہوں، خواہ وہ کافر ہی کیوں نہ ہوں، ان کے شعائر اور قربانی کے جانوروں کی بے حرمتی نہ کی جائے اور حدیبیہ کی پرانی دشمنی کا بدلہ نہ لیا جائے۔

19 شان نزول

الْيَوْمَ أَكْمَلْتُ لَكُمْ دِينَكُمْ...

آیت نمبر 3

جواب شانِ نزول: یہ اسلام کی تاریخی آیات میں سے ایک ہے جو 9 ذوالحجہ 10 ہجری کو حجۃ الوداع کے موقع پر، یومِ عرفہ (جمعہ ے لیے عید ہیں)۔

20 شان نزول

يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ...

آیت نمبر 6 — آیتِ وضو و تیمم

جواب شانِ نزول: غزوہ بنی المصطلق (یا ایک اور سفر) کے دوران مقامِ بیداء پر حضرت عائشہ صدیقہ کا ہار گم ہو گیا۔ رسول اللہ ﷺ اور صحابہ کرام اس ہار کی تلاش میں وہاں رک گئے۔ وہاں پانی موجود نہیں تھا اور صبح کی نماز کا وقت ہو گیا۔ صحابہ پریشان ہو گئے کہ بغیر پانی کے نماز کیسے پڑھیں۔ اس موقع پر اللہ تعالیٰ نے یہ آیت نازل فرمائی، جس میں وضو کا طریقہ اور پانی نہ ملنے کی صورت میں پاک مٹی سے تیمم کرنے کی رخصت دی گئی۔ حضرت اسید بن حضیر نے خوش ہو کر کہا: ”اے آلِ لحاظ ابوبکر! یہ آپ کی کوئی پہلی برکت نہیں ہے (بلکہ آپ کی وجہ سے امت پر ہمیشہ آسانیاں نازل ہوئیں)۔“

21 شان نزول

يَا أَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ...

آیت نمبر 11

1 شانِ نزول: اس آیت کے نزول کے دو بڑے واقعات تفاسیر میں ملتے ہیں:

2 عمرو بن جحاش کا واقعہ — رسول اللہ ﷺ بنو نضیر (یہودی قبیلے) کے پاس دیت کی رقم کے سلسلے میں گفتگو کرنے گئے۔ انہوں نے سازش کی کہ رسول اللہ ﷺ جب دیوار کے سائے میں بیٹھیں تو اوپر سے چکی کا پتھر گرا کر نعوذ باللہ آپ کو شہید کر دیا جائے۔ جبرائیل علیہ السلام نے آپ ﷺ کو آگاہ کر دیا اور آپ وہاں سے اٹھ کر مدینہ واپس آ گئے۔

3 غورث بن الحارث کا واقعہ — ایک غزوہ کے دوران رسول اللہ ﷺ اکیلے ایک درخت کے نیچے آرام فرما رہے تھے کہ ایک اعرابی (غورث) نے آپ کی تلوار اٹھا لی اور کہا: ”اے محمد! آج آپ کو مجھ سے کون بچائے گا؟“ آپ ﷺ نے پورے توکل سے فرمایا: ”اللہ!“۔ یہ سنتے ہی اس کے ہاتھ سے تلوار گر گئی اور اللہ نے اپنے نبی کی حفاظت فرمائی۔

22 شان نزول

يَا أَيُّهَا الرَّسُولُ لَا يَحْزُنْكَ الَّذِينَ يُسَارِعُونَ فِي الْكُفْرِ...

آیت نمبر 41

جواب شانِ نزول: خیبر کے معزز یہودیوں کے ایک مرد اور عورت نے زنا کا ارتکاب کیا۔ تورات کے مطابق ان کی سزا رجم (سنگسار کرنا) تھی، لیکن وہ اپنے اشراف کو اس سزا سے بچانا چاہتے تھے۔ انہوں نے مدینہ کے منافقین کو واسطہ بنا کر رسول اللہ ﷺ سے فیصلہ کروانا چاہا کہ شاید آپ کوئی ہلکی سزا (کوڑے مارنا یا منہ کالا کرنا) تجویز فرما دیں۔ رسول اللہ ﷺ نے ان سے تورات منگوائی اور یہودی عالم ابن صوریا سے سچ اگلوا کر ثابت کیا کہ تورات میں رجم ہی کا حکم ہے۔ چنانچہ آپ ﷺ کے حکم پر انہیں سنگسار کیا گیا، جس پر یہ آیات نازل ہوئیں۔

23 شان نزول

يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ...

آیت نمبر 67 — آیتِ تبلیغ

جواب شانِ نزول: تفاسیر میں بیان ہوا ہے کہ ابتدائے اسلام میں جب رسول اللہ ﷺ پر کفار و مشرکین کے حملوں کا خطرہ رہتا تھا تو صحابہ کرام آپ کا پہرہ دیا کرتے تھے۔ جب یہ آیت نازل ہوئی جس میں اللہ تعالیٰ نے فرمایا: ”وَاللَّهُ يَعْصِمُكَ مِنَ النَّاسِ“ (اور اللہ آپ کو لوگوں کے شر سے بچائے گا)، تو رسول اللہ ﷺ نے اپنے خیمے سے سر باہر نکال کر پہرے داروں سے فرمایا: ”اے لوگو! اب چلے جاؤ، اللہ عزوجل نے خود میری حفاظت کا ذمہ لے لیا ہے“۔

24 شان نزول

وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَىٰ...

آیت نمبر 82 اور 83

جواب شانِ نزول: یہ آیات حبشہ کے بادشاہ نجاشی اور ان کے درباریوں/علماء کے بارے میں نازل ہوئیں۔ جب مکہ میں مسلمانوں پر ظلم بڑھا تو انہوں نے حبشہ کی طرف ہجرت کی۔ حضرت جعفر طیار نے نجاشی کے دربار میں سورہ مریم کی تلاوت کی، جسے سن کر نجاشی اور ان کے پاس موجود عیسائی علماء کی آنکھوں سے آنسو جاری ہو گئے اور انہوں نے اسلام کی حقانیت کا اعتراف کیا۔ اللہ تعالیٰ نے ان کے اس جذبے اور نرم دلی کی تعریف میں یہ آیات نازل فرمائیں۔

25 شان نزول

يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ...

آیت نمبر 101

جواب شانِ نزول: جب حج کی فرضیت کا حکم نازل ہوا تو ایک صحابی محصن بن ثعلبہ (یا اقرع بن حابس) نے بار بار پوچھا: ”اے اللہ کے رسول! کیا حج ہر سال فرض ہے؟“ رسول اللہ ﷺ خاموش رہے، لیکن ان کے اصرار پر آپ نے فرمایا: ”اگر میں ہاں کہہ دیتا تو ہر سال فرض ہو جاتا اور تم اس کی طاقت نہ رکھتے“۔ اسی طرح کچھ لوگ رسول اللہ ﷺ سے امتحان کے طور پر ایسے سوالات پوچھتے تھے کہ ”میرا اونٹ کہاں ہے؟“ یا ”میرا اصلی باپ کون ہے؟“۔ اس پر اللہ تعالیٰ نے فضول اور غیر ضروری سوالات سے منع کرنے کے لیے یہ آیت نازل فرمائی۔

یہ صفحہ خیبر پختونخوا ٹیکسٹ بک بورڈ کی 2024 مارکنگ اسکیم سے جانچا گیا۔