1
بَدِيعُ ٱلسَّمَٰوَٰتِ وَٱلۡأَرۡضِۖ أَنَّىٰ يَكُونُ لَهُۥ وَلَدٞ وَلَمۡ تَكُن لَّهُۥ صَٰحِبَةٞۖ وَخَلَقَ كُلَّ شَيۡءٖۖ وَهُوَ بِكُلِّ شَيۡءٍ عَلِيمٞ (سورۃ الانعام ۔ آیت 101)
ایت کریمہ میں اللہ تعالی کی کیا صفات بیان ہوئی ہیں؟
ترجمہ
اللہ اسمانوں اور زمینوں کو ایجاد فرمانے والا ہے اس کا کوئی بیٹا کیسے ہو سکتا ہے جبکہ اس کی بیوی نہیں اور اسی نے ہر چیز کو پیدا فرمایا اور وہ ہر چیز کو خوب جاننے والا ہے
اس آیت مبارکہ میں اللہ تعالی کی پانچ صفات بیان کی گئی ہیں
1
اللہ آسمانوں اور زمینوں کو ایجاد فرمانے والا ہے ۔بدیع کے معنی عدم سے وجود میں لانے والا ہے ۔بدیع اس پیدا کرنے والے کو کہا جاتا ہے جس نے کوئی نمونہ سامنے رکھے بغیر کسی چیز کو پیدا کیا ہو اور یہ اللہ کی صفت ہے کیونکہ اسی نے آسمان اور زمین کو بغیر کسی سابقہ مثال اور نمونے کے تخلیق فرمایا ۔
2
اس کا کوئی بیٹا نہیں ۔یعنی اللہ تعالی کی ذات صمد ہےیعنی وہ بیٹوں اور رشتہ داروں سے بے نیاز ہے کائنات کی ہر چیز اس کی مخلوق ہے اور خالق اور مخلوق کے درمیان صرف عبدیت اور بندگی کا رشتہ ہوتا ہے فرزندی یا قرابت کا کوئی رشتہ نہیں
3
اللہ کی کوئی بیوی نہیں ۔یعنی مشرکین پر واضح کیا جا رہا ہے کہ تم نے جو خدا کے لیے بیٹے اور بیٹیاں مقرر کر رکھی ہیں تو پھر یہ بھی بتاؤ کہ خدا کی بیوی کون ہے ؟اور جب اس کی بیوی کوئی نہیں تو پھر اولاد کہاں سے ہوگی
4
اللہ ہرچیز کا خالق ہے ۔یعنی کائنات کی ہر چیز سے اللہ نے پیدا کی ہے اور کائنات کی ہر چیز اللہ کی مخلوق ہے
5
اللہ ہر چیز کو خوب جاننے والا ہے ۔کائنات میں کوئی ایسی چیز نہیں جو خدا سے چھپی ہوئی ہو اللہ ہر چیز اور اس کے ہر ظاہر و باطن کا جاننے والا ہے